Fritidskontakt til jente 17år søkes

Barnevernstenesta søkjer ein trygg og positiv fritidskontakt til ei jente på 17 år som bur i Haugesundsområdet.

Vi ser etter deg som ønskjer å vere ein positiv og stabil vaksenperson i ungdommen sin kvardag. Gjennom aktivitetar og sosialt samvær kan du bidra til gode opplevingar, meistring og auka deltaking i fritida.

Om ungdommen

Jenta er 17 år og har autismespekterforstyrring. Ho er ein reflektert ungdom som fungerer godt i kvardagen, men som kan oppleve sosiale situasjonar som utfordrande. Ho har eigne interesser som ho er engasjert i, og målet med oppdraget er å bidra til gode aktivitetar, sosial deltaking og positive opplevingar saman med ein trygg vaksen

Om oppdraget

• Omfang: 3 timar per veke
• Tidspunkt: Mellom måndag og torsdag på ettermiddag- og kveldstid
• Oppstart etter avtale
• Oppdraget blir lønna etter gjeldande satsar

Arbeidsoppgåver

• Delta i aktivitetar saman med ungdommen ut frå hennar interesser
• Vere ein trygg og positiv samtalepartnar
• Bidra til sosial deltaking, meistring og gode opplevingar
• Byggje ein god og tillitsfull relasjon over tid

Vi ønskjer at du

• Er ein trygg, tålmodig og stabil vaksen
• Er positiv og har gode relasjonelle ferdigheiter
• Kan vere ein god rollemodell for ungdom
• Er sjølvstendig og påliteleg
• Kan leggje fram tilfredsstillande politiattest

Du treng ikkje formell utdanning, men erfaring frå arbeid med ungdom eller anna relevant erfaring er ein fordel.