Videoassistent (60 % stilling)

Vi ser etter deg som liker å jobbe med videoproduksjon- og redigering. Du handterer utfordingar med ro, har god driv og trivst med å være i kontakt med mange ulike menneske.

Video er et viktig pedagogisk verktøy i NHH sitt arbeid med undervisning, og blir også nytta i marknadsføring og internkommunikasjon. Som videoassistent får du bidra til å levere høgkvalitets videoinnhald til ulike formål, primært innan undervisning. Stillinga er fast i 60 prosent, og vi ønskjer oppstart så snart som mogleg.

Hos oss blir du ein del av Seksjon for utdanningskvalitet ved Studieadministrativ avdeling – eit tverrfagleg miljø med 15 engasjerte medarbeidarar. Seksjonen har oppgåver innan programutvikling, kvalitetssikring, pedagogisk utvikling og utdanningsteknologi. Du vil inngå i vårt videoproduksjonsmiljø.

Hovudoppgåver

produsere direktesendingar for MRR i Oslo
assistere ved ulike filmproduksjonar
ta i mot og planlegge filmoppdrag
redigere videomateriale
administrere videoarkivet
Du må rekne med endringar i oppgåver over tid.

Kvalifikasjonskrav

1-2- års utdanning utover vidaregåande skole, eller fagbrev. Relevant realkompetanse kan erstatte utdanningskravet.
erfaring med filmproduksjon, inkludert rigg av utstyr, filming, redigering av video
gode kommunikasjonsevner på engelsk og norsk
gode digitale ferdigheiter
Det er eit føremon om du har
arbeidserfaring innan høgare utdanning
erfaring med relevant programvare for redigering som Adobe Premiere Pro og DaVinci Resolve, samt online videoverktøy som Vimeo og Panopto
erfaring med læringssystem som t.d. Canvas

Personlege eigenskapar

Vi ser etter deg som
er strukturert, målretta og har god oversikt
handterer arbeid under press og med mange parallelle oppgåver
er fleksibel, kreativ og ser moglegheiter
tar ansvar for eigne oppgåver
er serviceinnstilt og samarbeider godt med ulike aktørar – både leiing, fagpersonar, tilsette og studentar

NHH tilbyr

jobb i ein organisasjon som utfører spennande og samfunnsnyttige oppgåver
varierte utfordringar
eit triveleg og stimulerande arbeidsmiljø med gode kollegaer
fleksibel arbeidstidsordning og inkluderande arbeidsliv
gode forsikrings-, pensjons- og låneordningar i Statens pensjonskasse
velferdsgode som subsidiert trening og bedriftshytte
Stillinga har kode 1063 konsulent og er lønna med kr 427 000* til kr 462 000* per år avhengig av kvalifikasjonar. For særleg kvalifiserte søkjarar kan høgare lønn bli vurdert. Eit innskot på to prosent til Statens pensjonskasse blir trekt frå lønna.
*Lønnsnivået som er oppgitt gjeld for 100 prosent stilling. Den utlyste stillinga er i 60 prosent, og lønna blir justert i samsvar med dette.

Generell informasjon

NHH legg vekt på mangfald. Vi oppmodar derfor alle som er kvalifiserte om å søkje stillinga utan omsyn til kjønn, alder, funksjonshemming, kulturell bakgrunn og/eller hol i CV-en.

Vi gjer merksam på at opplysningar om søkjarar kan bli offentleggjorde sjølv om søkjaren har bede om å bli unnateken frå søkjarlista. Søkjarar vil bli informerte om dette på førehand.

NHH kan gjennomføre bakgrunnssjekk av finalekandidatar i samarbeid med ekstern leverandør. Bakgrunnssjekken vert utført etter samtykke frå deg som søkjar og inneber at vi verifiserer CV og annan søknadsdokumentasjon i samband med tilsettinga.

Dersom du ønskjer meir informasjon om stillinga, kan du ta kontakt med seniorrådgjevar Arild Schanke, arild.schanke@nhh.no / 917 43 926 eller prosjektleiar Sven A. Nydal sven.nydal@nhh.no / 920 49 302.

Søknad, CV, vitnemål og attester sendast elektronisk via Jobbnorge.

Om bedriften

Noregs handelshøgskole (NHH) er ein av dei leiande handelshøgskolane i Europa. Vi har eit internasjonalt anerkjend forskingsmiljø og samarbeider med 195 universitet og handelshøgskolar over heile verda. NHH er førstevalet for studentar som vil ta økonomisk-administrativ utdanning i Noreg.

Aktivitetane våre er prega av høg kvalitet, sterke etiske standardar og innsats for felles mål. I tett samspel med nærings- og samfunnsliv utviklar vi og deler ny kunnskap og skaper verdiar for ei berekraftig framtid. NHH ligg i Bergen og har rundt 3 750 studentar og 455 tilsette.